མལ་དྷིཝས་རུ་སྲིད་འཛིན་ཟུར་པ་ཨབ་དྷུལ་གྷ་ཡུམ་འཛིན་བཟུང་རྗེས་སྲིད་དོན་གྱི་གཉན་འཕྲང་དྲག་ཤུགས་ཆེ་རུ་ཕྱིན་ཡོད་འདུག་ རྒྱ་གར་གྱི་རང་རེའི་ཡུལ་མི་ལ་མལ་དྷིཝས་ཡུལ་བསྐྱོད་གནང་བར་ཉེན་བརྡ་གཏོང་ཡོད་འདུག་ དེ་ཡང་ཉེ་ཆར་མལ་དྷིཝས་ཆེས་མཐོའི་ཁྲིམས་ཁང་གིས་སྲིད་འཛིན་ཨབ་དྷུ་ལ་ཡེ་མེན་མཆོག་ལ་སྲིད་དོན་གྱི་བཙོན་པ་ཡོངས་རྫོགས་གློད་གྲོས་གཏོང་བར་བཀའ་ལ་གུས་བརྩི་ཞུ་སྟེ་འགལ་ཟླ་ཅན་གྱི་ཁྲིམས་བཟོ་བ་རྣམས་གོ་གནས་བསྐྱར་གསོ་གནང་བར་འབོད་སྟེ་དཀའ་རྙོག་འགི་འཛུགས་ཆག་ཡོད་ ཆེས་མཐོའི་ཁྲིམས་ཁང་གིས་གཟའ་འཁོར་གོང་མར་ཐག་གཅོས་བྱུང་བའི་བཀའ་དགོངས་བཞིན་ཁ་གཏད་སྲིད་དོན་ཚོགས་པའི་འགོ་ཁྲིད་དགུ་རྣམས་གྲོད་གྲོས་གཏོང་བར་ཁྲིམས་ལུགས་ཀྱིས་འགོག་རྐྱེན་གང་ཡང་མེད་པར་བཟོས་པ་བཀའ་གཏོང་འདུག་གོ་