འོས་བསྡུའི་ས་གནས་ ༣༠༠ ལྷག་གི་ནང་འཛམ་གླིང་གི་འོས་བསྡུའི་བྱེད་སྒོ་ཆེ་ཤོས་དེ་གྲུབ་ཡོད་པ་རེད། རྒྱ་གར་ནང་ལ་འོས་བསྡུའི་རིམ་པ་གསུམ་པ་མཇུག་སྒྲིལ་བ་དང་སྦྲགས། འོས་བསྡུ་རིམ་པ་གསུམ་པའི་ནང་འོས་འཕེན་པ་ཁྱོན་ཀ་རོར་ ༡༨.༨༥ ཡོད་པའི་བརྒྱ་ཆ་ ༦༦ གིས་རྒྱ་གར་གྱི་གྲོས་ཚོགས་འོག་མའི་ནང་རང་རང་གི་འཐུས་མི་འོས་འདེམས་ཀྱི་བྱེད་སྒོ་སྤེལ་ཡོད། རྒྱ་གར་འོས་བསྡུ་ལྷན་ཁང་གིས་ད་ལྟ་འགྲོ་བཞིན་པའི་ལོག་ས་བའི་འོས་བསྡུའི་ཁྲོད་འོས་བསྡུ་རིམ་པ་བདུན་ཡོད་པ་ནས་རིམ་པ་གསུམ་ལ་
རྒྱ་གར་འོས་འཕེན་པ་རྣམས་ནས་ཁྱོན་སྐུབ་སྟེགས་ ༥༤༣ ཡོད་པ་ནས་འོས་བསྡུའི་ས་གནས་ ༣༠༣ གྱི་ནང་འོས་ཤོག་འཕེན་ཟིན་པ་རེད། འོས་ལངས་ལས་འགུལ་འགྲོ་བཞིན་པའི་ཁྲོད་དུ་ཆབ་སྲིད་ཚོགས་པ་སྣ་ཚོགས་ཀྱི་ལས་འགུལ་སྤེལ་མཁན་གཙོ་གྲས་རྣམས་ནས་རང་རང་གི་འོས་མི་ཚོར་རྒྱབ་སྐྱོར་བྱེད་བཞིན་ཡོད་པ་རེད།
འོས་བསྡུ་རིམ་པ་གསུམ་པའི་ནང་གྲོས་ཚོགས་ཀྱི་འོས་བསྡའི་ས་གནས་ ༡༡༦ ལ་འགྲན་རྩོད་བྱེད་མཁན་འོས་མི་ ༡༦༤༠ ཡོད་པ་རེད། འོས་མི་ཕོན་ཆེན་ཞིག་གིས་འོས་ཤོག་འགྲན་རྩོད་བྱས་པ་དེའི་ཐོག་ནས་རྒྱ་གར་གྱི་མང་གཙོའི་སྟོབས་ཤུགས་མཚོན་གྱི་ཡོད་པ་རེད། འོས་འཕེན་པ་བརྒྱ་ཆ་ ༦༦ ཟིན་པ་དེའི་ཐོག་ནས་མི་དམངས་རྣམས་ཀྱིས་མང་གཙོར་ཡིད་ཆེས་བརྟན་པོ་ཡོད་པ་མཚོན་གྱི་ཡོད། འོས་བསྡུ་རིམ་པ་གསུམ་པའི་སྐབས་མངའ་སྡེ་ ༡༤ དང་དབུས་གཞུང་ས་ཁུལ་ ༢ བཅས་ཀྱི་ནང་འོས་འཕེན་པ་རྣམས་ཞོགས་པ་སྔ་པོ་ནས་འོས་བསྡུའི་ས་གནས་སུ་འབྱོར་ཡོད་པ་རེད།
འོས་བསྡུ་རིམ་པ་གསུམ་པའི་ནང་རྒྱལ་ཁབ་ཁྱོན་ཡོངས་སུ་འོས་ཤོག་འཕེན་ས་འབུམ་མང་པོ་སྒྲིག་འཛུགས་བྱས་ཡོད། འོས་ཤོག་རེ་རེས་ཀྱས་ཁྱད་པར་བཟོ་ཞེས་པའི་ཡོག་བྱང་སྦྱར་བ་དང་ཆེས་ཐག་རིང་བའི་གྷུ་་རཏ་ཡི་གྷིར་ནགས་གསེབ་ཏུའང་འོས་ཤོག་འཕེན་ས་བཙུགས་ཡོད་པ་རེད།
རྒྱ་གར་ནུབ་ཕྱོགས་ཀྱི་གྷུ་ཇ་རཏ་ཡིས་ལོག་ས་བའི་སྐུ་སྟེགས་ ༢༦ ཚང་མར་འོས་ཤོག་འཕེན་ཟིན་པ་རེད། དཀོན་མཆོག་ཉིད་ཀྱི་ཞིང་ཁམས་སུ་གྲགས་པའི་ཀེ་ར་ལས་སྐུབ་སྟེགས་ ༢༠ ཚང་མར་འོས་ཤོག་འཕེན་ཟིན་ཡོད། དེས་མ་ཟད། བྷི་ཧར་དང་། ཨུ་ཏར་པྲ་དེ་ཤི། ཀར་ན་ཊ་ཀ། གྷོ་ཝ། ཏྲི་པུ་ར། མ་ཧཱ་རཱ་ཤི་ཊྲ། ཨོ་ཌི་ཤ། ནུབ་བྷེང་གྷོལ། ཌ་ཌྲ། ན་གར་ཧ་ཝེ་ལི། ཌ་མན། དྷིའུ་བཅས་ཀྱིས་ཀྱང་འོས་ཤོག་འཕེན་ཡོད་པ་རེད། བྷི་ཧར་དང་། ཨུ་ཏར་པྲ་དེ་ཤི། ནུབ་བྷེང་གྷོལ་བཅས་ནས་འོས་བསྡུ་རིམ་པ་རྗེས་མ་བཞིའི་སྐབས་སུའང་འོས་ཤོག་འཕེན་རྒྱུ་ཡི་པ་དེ་བདེ་འཇགས་ཀྱི་རྒྱུ་མཚན་ཆགས་ཡོད་པ་རེད།
ཇམ་མུ་དང་ཀ་ཤི་མིར་གྱི་ཨ་ནན་ཏང་གྲོས་ཚོགས་འོས་ཁོངས་སུ་འོས་བསྡུ་རིམ་པ་གསུམ་པའི་འོས་འཕེན་ཆ་ཤས་ཙམ་ལས་བྱུང་མེད། འོས་བསྡུའི་ས་གནད་འདིའི་འོས་ཤོག་འོས་བསྡ་རིམ་པ་རྗེས་པ་གཉིས་ཀྱི་ཐོག་ནས་མཇུག་སྒྲིལ་རྒྱུ་རེད། སྟབས་འཁེལ་བ་ཞིག་ལ་ཨ་ནན་ཏང་དེ་ཉིད་བདེ་འཇགས་ཀྱི་རྒྱུ་མཚན་ལ་རྟེན་ནས་འོས་བསྡུ་རིམ་པ་གསུམ་བྱེད་སའི་ས་གནས་གཅིག་པོ་དེ་ཆགས་ཡོད།
རྒྱ་གར་འོས་བསྡུ་ལྷན་ཁང་གིས་ད་ལྟ་འགྲོ་བཞིན་པའི་འོས་བསྡུའི་ཁྲོད་ཡིག་ཐོག་དང་ཆོད་སེམས་གཉིས་ཐོག་ནས་སྒྲིག་ལམ་གྱི་དཔེ་མཚོན་ཁྲིམས་ལུགས་གནད་འཁེལ་ཡོད་པ་བཟོ་ཆེད་ཀྱི་ཐབས་ཤེས་སྔ་ས་ནས་བྱས་ཡོད། ཆབ་སྲིད་ཚོགས་པ་ཁ་ཤས་ཀྱིས་ས་གནས་ཁ་ཤས་སུ་འོས་འཕེན་པར་ཤུགས་རྐྱེན་སྤྲད་རྒྱུའི་འབད་བརྩོན་བྱས་ཡོད་ཀྱང་འོས་འཕེན་པ་བློ་འགུག་བྱ་མི་ཆོག་པ་བྱས་ཡོད། དེ་ལྟའི་བྱ་སྤྱོད་ཀྱི་ཐོག་ལ་རྒྱ་གར་འོས་བསྡུ་ལྷན་ཁང་གིས་ཟབ་ནན་ཆེན་པོ་བྱས་ཡོད། འོས་བསྡུ་རིམ་པ་གསུམ་པ་མམཇུག་མ་སྒྲིལ་བར་དུ་རྒྱ་གར་ཁྱོན་ཡོངས་སུ་འོས་བསྡུའི་བདེ་སྲུང་མི་སྣས་ཧིན་སྒོར་ཀ་རོར་ ༣༡༠༠ ཙམ་གཞུང་བཞེས་བཏང་ཡོད།
རྒྱ་གར་འོས་བསྡུ་ལྷན་ཁང་གིས་འོས་བསྡུའི་དཔེ་མཚོན་ཁྲིམས་ལུགས་དང་འགལ་མཁན་ཆབས་སྲིད་མི་སྣ་རྣམས་སྣང་མེད་དུ་བཞག་མེད། འོས་བསྡུ་ལྷན་ཁང་གིས་ཆབ་སྲིད་ཁྱབ་ཁོངས་ཁྱོན་ཡོངས་ཀྱི་སྣེ་ཁྲིད་མི་སྣ་ཁག་གཅིག་ལ་འོས་བསྡུའི་དཔེ་མཚོན་ཁྲིམས་ལུགས་ལས་འགལ་བའི་ཉེས་ཆས་བཀལ་ཡོད་པ་རེད། རིགས་དང་ཆོས་ལུགས་བེད་སྤྱོད་བྱེད་ནས་འོས་ཤོག་སློང་རྒྱུ་དེ་དཔེ་མཚོན་ཁྲིམས་ལུགས་ལས་འགལ་བ་ཞིག་རེད།
ད་ལྟ་འགྲོ་བཞིན་པའི་འོས་བསྡུའི་ཁྲོད་ཀྱི་དང་བ་དེ་བསྔགས་བརྗོད་ཞུ་འོས་ཤིག་རེད། འོས་བསྡུ་སྔ་མ་གསུམ་གྱི་ཁྲོད་དུ་ན་གཞོན་འོས་འཕེན་པའི་གྲངས་འབོར་ཀྱང་ཕོན་ཆེ་བྱུང་ཡོད། འོས་འཕེན་པའི་ཁྲོད་དུ་བགྲོ་གླེང་བྱེད་པ་དེ་བརྡ་ལན་ལེགས་པོ་འཕྲོས་པ་ཚང་མའི་འཐུས་ཚབ་ཡིན་པ་དང་། འདི་ཡིས་རྒྱ་གར་གྱི་མདུམ་ལམ་ལ་ཕན་ངེས་པར་དུ་ཐོགས་རྒྱུ་རེད།
བདེ་སྲུང་མི་སྣ་དང་འོས་བསྡུའི་ལས་བྱེད་ས་ཡ་མང་པོས་ལས་དོན་འདིའི་རིང་ལ་དཀའཚེགས་ཆེ་བའི་ལས་དོན་བསྒྲུབ་པར་བསྔགས་བརྗོད་ཞུ་དགོས་པ་རེད། ཁོ་ཚོའི་ཆོད་སེམས་ལ་རྟེན་ནས་འོས་བསྡུ་བར་ཆད་མེད་པར་དོན་འཁྱོལ་ཐུབ་པ་བྱུང་ཡོད།
ལོག་ས་བའི་སྐུབ་སྟེགས་ལྷག་ཕྲོས་ ༢༤༠ ཡི་ཆེད་དུ་འོས་བསྡུ་རིམ་པ་བཞི་བྱ་རྒྱུ་བསྡད་ཡོད། འོས་བསྡུ་མཐའ་མ་དེ་ཟླ་ ༥ ཚེས་ ༡༩ ཉིན་ཆགས་ཡོད། ལོག་ས་བ་འོས་བསྡུའི་གྲུབ་འབྲས་དེ་ཟླ་ ༥ ཚེས་ ༢༣ ཉིན་ཤེས་རྟོགས་ཡོང་རྒྱུ་རེད། དེ་ཚུན་དུ་འོས་བསྡུའི་ས་གནས་ཚང་མར་ཆབ་སྲིད་ལས་འགུལ་བྲེལ་ཚུབ་ཆེན་པོ་ཡོང་ངེས་རེད།
མ་ཟིན། མ་ནིཤ་ཨ་ནནྡ། རྒྱ་གར་དུས་བབ་གསར་པའི་འབྲེལ་མཐུད་པ།
